Vendi ku u mbytën vëlla e motër - Foto: KALLXO.com
Mbyten Vëlla e Motër në Prishtinë
23.6.2016 - 16:52
Një ngjarje tragjike ka ndodhur sot në kryeqytet. Dy fëmijë, vëlla e motër, janë mbytur në një gropë me ujë në lagjen “Kolovica”.
Zëdhënësja e Policisë, Florie Ahmeti, ka thënë për KALLXO.com se rreth orës 14:00 kanë marrë një njoftim sipas të cilit një fëmijë ka rënë në një gropë.
“Pasi kanë dalë në vendin e ngjarjes ekipet policore është kuptuar se bëhet fjalë për dy fëmijë“, ka thënë zëdhënësja Ahmeti.
Më tej, ajo tregon se fëmijët e mbytur janë vëlla e motër. Djali është 11-vjeçar e motra 13-vjeçe.
Policia e ka hapur rastin si “vdekje e dyshimtë“ dhe “shkaktim i rrezikut të përgjithshëm”.
Sipas zëdhënëses së Policisë, gropa ishte hapur për disa punime.