Mbyllen Seancat Ndaj Sali Mekajt
Gjykata Themelore në Prishtinë vendosi sot që gjykimi i Sali Mekajt dhe të tjerëve do të jetë i mbyllur për publikun.
Mbylljen e seancave e kërkuan avokatët Ramë Gashi dhe Besnik Berisha që mbrojnë Sali Mekajn dhe Vlora Gorancin.
Prokurorja Drita Hajdari, sipas gazetarit të KALLXO.com u pajtua me mbylljen e seancave.
Gjykata gjithashtu vendosi që xhirimet dhe fotografitë nga seanca e sotme fillestare e këtij gjykimi të mos publikohen.
Seanca e sotme nuk pati kushte të mbahej, pasi në gjykatë nuk ishte i pranishëm i akuzuari Mentor Seferaj që ndodhet në paraburgim.
Seanca e shtyrë u caktua të zhvillohet më 30 nëntor.
Sali Mekaj që ishte kryetar i Gjykatës së Apelit u arrestua në korrik të vitit të kaluar, ndërsa aktakuza ndaj tij për keqpërdorim detyre në dy raste u ngrit në maj të këtij viti.
http://kallxo.com/konfirmohet-ndalimi-i-salih-mekajt-per-48-ore/
http://kallxo.com/aktakuze-ndaj-ish-kryetarit-te-apelit/
Bashkë me Mekajn po akuzohen edhe Vlora Gorani, Mentor Seferaj dhe Ali Seferaj.