Macron përgëzon votimin e Irlandës për lejim të abortit

Presidenti francez, Emmanuel Macron, tha se Irlanda ka bërë histori me referendumin për lejim të abortit, duke rrëzuar kështu amendamentin kushtetues që ndalonte abortin.

Macron, përmes rrjetit social Twitter, tha se “Kjo votë do të qëndrojë si simbol bazik i lirisë së grave”.

Franca ka legalizuar abortin qysh në vitin 1975.

Irlanda kishte votuar të shtunën një referendum që lejon abortin e grave.

Deri më tash, gratë që kanë dashur të kryejnë këtë proces është dashur të udhëtojnë në vende tjera, si dhe mjekët kanë pasur të drejtë në përgjegjësinë e embrionit sikurse nëna.

Parlamenti Irlandez ka filluar me ndryshimet ligjore lidhur me abortin. (REL)