Lladrovci Mban Premtimin, Emëron 5 Gra në Udhëheqjen e Drenasit
Vetëm pak kohë pas fillimit të mandatit, Lladrovci madje ka tejkaluar premtimin me emërimin e grave në pozita të drejtoreshave komunale.
Një kabinetin e ri drejtues të komunës, Lladrovci do të qeverisë edhe me Kimete Qorrin të cilën e ka emëruar Drejtore të Administratës Komunale; Anita Avdullahu – Dvoranin si Drejtore për Bujqësi dhe Zhvillimit Ekonomik; Aurora Berishën, Drejtore e Inspeksionit; Lumnije Krapin, Drejtore e Shërbimeve Publike dhe Emergjencë dhe Flutura Avdiun, Drejtore për Kulturë, Rini e Sport.
Premtimin për përfaqësim të barabartë gjinor në kabinetin komunal, Lladrovci e kishte dhënë në emisionin ‘Jeta në Kosovë’ më 15 dhjetor 2016 ku u përball me rivalin e tij në garën për zgjedhjet e jashtëzakonshme për kryetar të komunës, Isa Xhemajlaj nga NISMA për Kosovën.
“E kam premtu që drejtoresha në ekzekutivin e Drenasit do të jenë 50 përqind gra, 50 përqind burra. A e ke përnime? Nuk kam bërë ndonjëherë hajgare në jetën time. Gjithmonë kam qenë serioz. Por kemi thënë që në këtë mandat do të provoj ta çoj deri në 50 përqind, është mandat i mbetur. U kam thënë që këtë mandat të mbetur ndoshta nuk do të arrij t’i bëj 50 përqind, por mandatin e ardhshëm që vjen pas disa muajsh do ta bëj. Do të jap prova në këtë mandat, për ta vërtetuar për mandatin tjetër. Këtë mandat, 3 deri 4 drejtori, së paku, do të drejtohen nga grate”, tha Lladrovci.
në kabinetin e ri të Lladrovcit mungon Drejtori për Arsim pasi që sot ai largoi nga kjo detyrë Sadik Tahirajn, pas publikimit të hulumtimit të emisionit ‘Jeta në Kosovë’ për falsifikimin e notave në një shkollë fillore në këtë komunë.
Me emërimet e sotme, Lladrovci e bën Drenasin komunën me përfaqësimin me të lartë të grave në drejtoritë komunale në të gjitha komunat e Kosovës.
Asnjë nga komunat nuk kanë 5 gra në kabinetin komunal, sado që shumë prej tyre janë më të mëdha se Drenasi në numër të banorëve dhe në numër të drejtorive komunale.
Madje asnjë nga komunat nuk i kanë as nga 4 drejtore. Disa nga to përfaqësohen me 3 gra në krye të drejtorive komunale, shumica i kanë nga dy ose një ndërsa gjashtë komuna nuk kanë asnjë grua në qeverisjen komunale.
Kjo është tabela e përfaqësimit gjinor në Kosovë:
Komuna e Drenasit
5 Drejtore: Kimete Qorri, Drejtore të Administratës Komunale; Anita Avdullahu – Dvorani, Drejtore për Bujqësi dhe Zhvillimit Ekonomik; Aurora Berisha, Drejtore e Inspeksionit; Lumnije Krapi, Drejtore e Shërbimeve Publike dhe Emergjencë dhe Flutura Avdiu, Drejtore për Kulturë, Rini e Sport.
Komuna e Kamenicës
Tri Drejtore: Shejnaze Masurica, Drejtore për Ekonomi, Buxhet dhe Financa; Venera Dërmaku- Rexha, Drejtore për Kulturë, Rini e Sport dhe Ferdane Rrudhani, Drejtore e Zhvillimit Ekonomisë dhe Diasporës
Komuna e Vushtrrisë
Tri Drejtore: Xhevrije Rama, Drejtore e Administratës; Arta Haxhaj, Drejtore për Ekonomi, Bujqësi, Pylltari dhe Zhvillim Rural dhe Shpresa Rama, Drejtore për Kulturë, Rini dhe Sport
Komuna e Fushë Kosovës
Dy Drejtore: Nurije Fazliu, Drejtore për Administratë dhe Nurije Avdiu, Drejtore për Kulturë, Rini dhe Sport
Komuna e Obiliqit
Dy Drejtore: Zarife Behluli, Drejtore për Ekonmi, Buxhet dhe Financa dhe Fitore Hashani, Drejtore për Rini, Kulturë dhe Sport
Komuna e Podujevës
Dy Drejtore: Mrikë Thaçi, Drejtore e Kulturës, Rinisë dhe Sportit dhe Florie Abazi Besholli, Drejtore e Inspeksionit
Komuna e Prishtinës
Dy Drejtore: Arbërie Nagavci, Drejtore e Arsimit dhe Nora Kelmendi, Drejtore e Kadastrës
Komuna e Prizrenit
Dy Drejtore: Shpresa Goçaj, Drejtore e Shëndetësisë dhe Sherife Balaj, Drejtore e Punës dhe Mirëqenies Sociale
Komuna e Shtimes
Dy Drejtore: Fatmire Ferati, Drejtore për Kulturë, Rini dhe Sport dhe Ardiana Rama- Gashi, Drejtore e Shërbimeve Publike
Komuna e Junikut
Dy Drejtore: Rrezarta Goçi, Drejtore e Administratës së Përgjithshme dhe Kosovare Gacaferri, Drejtore për Buxhet dhe Financa.
Komuna e Graçanicës
Një Drejtore: Gordana Toskiq, Drejtore e Arsimit dhe Kulturës
Komuna e Deçanit
Një Drejtore: Hane Lekaj Berisha, Drejtoreshë e Gjeodezisë dhe Kadastrës
Komuna e Gjilanit
Një Drejtore: Shqipe Kastrati Haziri, Drejtoreshë e Arsimit
Komuna e Istogut
Një Drejtore: Edona Bujupi Loxha, Drejtore e Administratës
Komuna e Kaçanikut
Një Drejtore: Diana Bajrami –Reka, Drejtore e Shëndetësisë dhe Mirëqenies Sociale
Komuna e Mitrovicës
Një Drejtore: Vlora Haxhimehmedi, Drejtore e Shëndetësisë
Komuna e Novobërdës
Një Drejtore: Shefkije Mehmeti, Drejtore e Shërbimeve Publike
Komuna e Rahovecit
Një Drejtore: Vjollca Vuqitërna, Drejtore për Arsim
Komuna e Pejës
Një Drejtore: Suzana Muriqi, Drejtore për Integrime dhe Diasporë
Komuna e Vitisë
Një Drejtore: Kaltrina Sylejmani, Drejtore për Kulturë, Rini dhe Sport
Komuna e Malishevës
Një Drejtore: Blerta Krasniqi, Drejtore për Rini, Kulturë dhe Sport
Komuna e Skenderajt
Një Drejtore: Alberta Gjinofci, Drejtore e Administratës
Komuna e Shtërpcës
Asnjë grua në drejtori komunale
Komuna e Suharekës
Asnjë grua në drejtori komunale
Komuna e Mamushës
Asnjë grua në drejtori komunale
Komuna Ranillug
Asnjë grua në drejtori komunale
Komuna e Dragashit
Asnjë grua në drejtori komunale
Komuna e Lipjanit
Asnjë grua në drejtori komunale
Shënim: Disa nga komunat e Kosovës e kanë pasur sajtin e paqasshëm për t’i nxjerrë të dhënat e përfaqësimit gjinor në qeveritë komunale.