Kreu i Listës Serbe, Slavko Simiq | Foto: Facebook

Lista Serbe: Ngrijmë Pjesëmarrjen në Institucione

Lista Serbe njoftoi sot me anë të një komunikate se përfaqësuesit e saj ngrijnë pjesëmarrjen në Kuvendin dhe Qeverinë e Kosovës.

Vendimi i Listës Serbe ndodhi disa ditë pasi ata u takuan me zyrtarë të Qeverisë së Serbisë.

Në komunikatën që e ka nënshkruar shefi i grupit parlamentar të Listës Serbe Slavko Simiq bëhet e ditur se Mirjana Jevtiq do ta lëshojë pozitën e ministres së Administrimit të Pushtetit Lokal, transmeton RTV “Puls”.

“Aleksandar Vuçiq është kryetar i të vetmes qeveri tonës dhe autoriteti i tij si për ne, po ashtu edhe për të gjithë serbët në Kosovë është i padiskutueshëm. Kështu që ne deputetët e Listës Serbe në institucionet e përkohshme të vetëqeverisjes njoftojmë që do të zbatojmë të gjitha vendimet e Vuçiqit dhe do të ngrijmë pjesëmarrjen në punën e Kuvendit dhe Qeverisë,” transmeton “Puls”.

Komunikata tregon se ministrja MIrjana Jevtiq do ta lëshojë pozitën e ministres së Administrimit të Pushtetit lokal, “pasi ajo si serbe e Kosovës respekton autoritetin dhe kërkesën e Keryeministrit Vuçiq”.

Kryeministri Mustafa më 16 dhjetor shkarkoi ministrin e Adminissttrimit të Pushtetit Lokal më 16 dhjetor dhe në vend të saj emëroi Mirjana Jevtiqin.

http://kallxo.com/mustafa-shkarkon-ministrin-mariq/