Fatmir Limaj - Foto: Facebook
Limaj: Kushtetuta e Sfiduar edhe nga Udhëheqës Institucionesh
09.4.2018 - 13:10
Kreu i Nismës Socialdemokrate Fatmir Limaj tha se kushtetuta është sfiduar edhe nga krerë institucionesh.
“Në këto 10 vite, Kushtetuta disa herë është sfiduar edhe nga vetë udhëheqësit e institucioneve”, shkroi Limaj në facebook në Ditën e Kuashtetutës.
Ai konstatoi se institucionet duhet të angazhohen për realizim të synimeve të caktuara me Kushtetutë.
“Angazhimi i institucioneve të Kosovës duhet të jetë gjithmonë në funksion të realizimit të synimeve të deklaruara në Kushtetutën e Kosovës”, vijoi postimi i Limajt.
Sot janë bërë dhjetë vjet qëkur Kosova ratifikoi Kushtetutën e saj.
Në dhjetëvjetorin e hyrjes në fuqi të Kushtetutës, KALLXO.com shkroi për shkeljet që iu bënë asaj.
10 Vjet Kushtetutë, 10 Vjet Shkelje