Aksident trafiku - Foto: Rtv21
Lëndohen 30 Nxënës në Një Aksident Afër Kërçovës
14.11.2017 - 14:22
Rreth 30 nxënës nga shkolla fillore “Goce Dellçev” nga Demir Hisari janë lënduar në aksidentin rrugor që ndodhi në mëngjes rreth orës 7:30 në rrugën Demir Hisar – Kërçovë.
Krahas nxënësve të cilët kanë marrë lëndime trupore, siç informuan nga Ministria e Punëve të Brendshme të Maqedonisë, rëndë është lënduar edhe shoferi i autobusit Z.S. (49) nga fshati Edinakovci, Demir Hisar, raporton TV21.tv.
Të lënduarit janë dërguar në Qendrën klinike në Manastir ku u është dhënë ndihmë mjekësore.
Sipas policisë, aksidenti ka ndodhur si pasojë e përplasjes së autobusit dhe fugonit me targa nga manastiri, i drejtuar nga S.S. (56) nga Krusheva. Komunikacioni nuk ka qenë në ndërprerje dhe është realizuar ekspertizë në vendin e ngjarjes./21Media