Pal Lekaj - Foto: KALLXO.com
Lekaj Tregon Emrat e Ministrave të AAK-së
08.9.2017 - 17:10
Në kohën kur po qarkullojnë lajme se kush do të jenë ministrat e qeverisë së re, Pal Lekaj nga Aleanca për Ardhmerinë e Kosovës për rtv21.tv ka konfirmuar se ai do të jetë ministër i Infrastrukturës.
Lekaj ka treguar edhe emrin e ministrit tjetër nga kjo parti.
“AAK është përcaktuar, do jem unë në ministër i Infrastrukturës dhe Rrustem Berisha në Ministrinë e FSK-së”, ka thënë Lekaj për rtv21.tv.
Ndërsa nga PDK-ja është thënë se emrat e ministrave do të bëhen zyrtarisht të ditur së shpejti.
Ndërkohe Ramush Haradinaj ka deklaruar se nesër do të prezantojë kabinetin e ri qeveritar.
Po ashtu nesër do të mbahet seanca e jashtëzakonshme ku pritet të votohet Ramush Haradinaj për Kryeministër të Kosovës./21Media