Avdullah Hoti | Foto: KALLXO.com
LDK Mirëpret Gatishmërinë për ta Pranuar Propozimin e Saj për Demarkacionin
Avdullah Hoti ka përshëndetur në facebook gatishmërinë e partive tjera që ta pranojnë propozimin e LDK-së për marrëveshjen e demarkacionit.
“Lidhja Demokratike e Kosovës e mirëpret gatishmërinë e partive të koalicionit për të pranuar propozimin e LDK-së lidhur me projektligjin për ratifikimin e marrëveshjes për kufirin me Malin e Zi”, shkroi Hoti.
Kjo gatishmëri, sipas Hotit, e hap rrugën e ratifikimit dhe liberalizimit të vizave.
“Kjo e hap rrugën që sa më parë në Kuvendin e Kosovës të ratifikohet kjo marrëveshje dhe të kërkojmë nga BE-ja që qytetarët e Kosovës të lëvizin lirshëm, sikurse qytetarët e vendeve të tjera të rajonit”, shkroi më tutje Hoti.
LDK-ja është duke kërkuar që raporti i komisionit të Shpejtim Bulliqit të jetë vetëm informues dhe të hiqet nga projektligji për ratifikimin e marrëveshjes së demarkacionit.
LDK-ja ftoi edhe Vetëvendosjen që të bashkohet për ratifikim.
“LDK-ja fton edhe Vetëvendosjen të bashkohet në ratifikimin e kësaj marrëveshjeje që është në interesin e të gjithë qytetarëve të Kosovës”, thuhet në postimin e Avdulah Hotit.
Kadri Veseli njoftoi sot se është arritur marrëveshje për ratifikimin e demarkacionit.
Seanca e demarkacionit është caktuar të mërkurën,