Aktivistët e VV-së në Gjykatën e Apelit | Foto: KALLXO.com
Kufizohet Xhirimi i Seancës së Aktivistëve të VV-së
Në seancën ku po shqyrtohet dënimi i aktivistëve të VV-së për sulmin në Kuvend është kufizuar xhirimi.
Gjykata ka marrë vendim që xhirimi të lejohet vetëm deri në momentin e fillimit të referimit të lëndës.
Kufizimi po bëhet me respektimin e parimit që të akuzuarit janë të pafajshëm, derisa të vërtetohet fajësia e tyre.
Gazetarët do të lejohen të qëndrojnë brenda, por nuk lejohet xhirimi në asnjë formë.
Për dallim nga seancat e këtij gjykimi në Gjykatën Themelore, sot në Gjykatën e Apelit nuk ndodhet asnjë zyrtar, ose deputet i Lëvizjes Vetëvendosje.
Gjykata Themelore në Prishtinë në nëntor të vitit që shkoi dënoi me 21 vjet burg aktivistët e Vetëvendosjes për sulmin e gushtit 2016 me raketahedhës në ndërtesën e Kuvendit të Kosovës.
http://kallxo.com/21-vjet-e-gjysme-burg-per-aktivistet-e-vv-se/
Edhe në gjykimin e Azem Sylës u kufizuan xhirimet para dhjetë ditësh.
http://kallxo.com/eulex-kufizon-mediat-ne-rastin-e-azem-syles/