Rrena për Zgjidhjen e Ngërçit Politik në Gjilan

Gjatë fundjavës do të përfundojnë takimet me partitë dhe të martën do t’i prezantoj emërimet e reja

Lutfi Haziri, Prill 2018

Rrenë e kryptë

Kryetari i Komunës së Gjilanit, Lufti Haziri, të premten, më 30 mars, kishte premtuar që pas pesë ditësh, të martën e 3 prillit do të prezantonte ekipin e tij të ri qeverisës.

Por, edhe pse ka kaluar më shumë se një javë që nga 3 prilli, Haziri ende nuk ka dalë me emrat e drejtorëve të rinj që do të përbëjnë ekipin drejtues të Komunës së Gjilanit.

“Me ndryshimin e Statutit të Komunës si dokument që e organizon jetën institucionale, është krijuar mundësia që të finalizohen marrëveshjet politike me partitë, organizatat joqeveritare dhe grupet e interesit. Gjatë fundjavës do të përfundojnë takimet me partitë dhe të martën do t’i prezantoj emërimet e reja. Do të ketë emra edhe nga shoqëria civile”, kishte thënë Haziri me 30 mars para gazetarëve në Gjilan.

Lutfi Haziri në rundin e dytë të zgjedhjeve lokale më 19 nëntor kishte fituar me 63.9 për qind të votave kundrejt kundërkandidatit të tij nga Vetëvendosje, Sami Kurteshi, i cili kishte marrë 36 për qind të votave.

Lutfi Haziri më 30 mars: Gjatë fundjavës do të përfundojnë takimet me partitë dhe të martën do t’i prezantoj emërimet e reja

Vlerësimi: Kanë kaluar gati katër muaj që nga dita kur Lutfi Haziri ishte zgjedhur kryetar i Gjilanit për herën e dytë me radhë. Por, ai nuk ka arritur ende t’i emërojë drejtorët e rinj me të cilët do të bashkëqeverisë në mandatin e tij të dytë. Ai ka premtuar se më datën 3 prill do të publikojë ekipin e tij të drejtorëve, por një gjë e tillë nuk ka ndodhur. Kryepometri këtë e cilëson si rrenë.

 

  • E Vërtetë

  • Pjesërisht E Vërtetë

  • Me Kos

  • Rrenë

  • Rrenë e kryptë

  • Qëndrim i ndërruar

  • Hetimet vazhdojnë

Më 22 dhjetor, një muaj pasi doli fitues i zgjedhjeve lokale ai bëri betimin në Kuvendin Komunal si kryetar i Komunës së Gjilanit për mandatin e dytë me radhë.

Edhe pse kanë kaluar më shumë se tre muaj që kur Lutfi Haziri ka bërë betimin e tij si kryetar i Gjilanit ai ende nuk i ka emëruar drejtorët e rinj.

Në muajin janar, Haziri përmes një postimi në Facebook kishte njoftuar se e kishte caktuar ekipin që do të negocionte me partitë e tjera për qeverisje në Gjilan.

Por nga janari e deri në muajin prill këto negociata ende nuk kanë prodhuar zyrtarisht ndonjë rezultat konkret.

Germat prej Bore të Kryeministrit

by Erjonë Popova
NA NDIQNI

Send this to a friend