array(1) {
  [0]=>
  array(4) {
    ["archive_color"]=>
    string(7) "#B9D156"
    ["menu_attr"]=>
    string(11) "Krypometër"
    ["main_title"]=>
    string(11) "Krypometër"
    ["custom_item"]=>
    string(8) "?level=3"
  }
}

Kryetari i Junikut Agon Kuçi | Foto: Atdhe Mulla

Impianti i fjetur i Junikut

Deklarata

Agron Kuçi: “Po, pranverën e vitit të ardhshëm (2018) do të funskionalizohet impianti”

 

Agron Kuçi

Vlerësimi

Me kos

Impianti i ndërtuar në Junik ende nuk është funksionalizuar. Ai po shërben si kolektor i thjeshtë, ndërsa uji nuk po pastrohet siç është planifikuar në fillim. Arsyet e vonesës thonë se janë telashet e BE-së, si financuese e këtij projekti, me kontraktorin për kryerjen e punëve. Krypometri do të vazhdojë ta monitorojë këtë rast.

Artikulli

Kryetari i komunës së Junikut, Agron Kuçi, në debatin për kryetar të komunës së Junikut ka premtuar që në pranverën e vitit 2018 do të funksionalizohet impianti për trajtimin e ujërave të zeza.

“Po, pranverën e vitit të ardhshëm (2018) do të funskionalizohet impianti”, kishte thënë Kuçi në debatin për komunën e Junikut.

Në komunën e Junikut ujërat e zeza janë derdhur në lumin “Trava” edhe pse impianti për trajtimin e tyre është ndërtuar.

Në përgjigjen e komunës së Junikut thuhet se impianti për trajtimin e ujërave të zeza është funksionalizuar pjesërisht.

“Ai për momentin funksionon si kolektor i thjeshtë”, thuhet në përgjigjen e komunës së Junikut.

Pra, në bazë të përgjigjes së kësaj komune, uji vazhdon të mos pastrohet dhe si i tillë të shkarkohet në lumin “Trava”.

Në përgjigjen e komunës thuhet se janë duke pritur nga investitori (Bashkimi Europian) sigurimin e fondeve për finalizimin e projektit.

Me këtë projekt parashihet sjellja dhe montimi i aparaturës për pastrimin e ujit. Arsyeja që e ka penguar funksionalizimin e këtij impianti, sipas komunës së Junikut, është kontesti i kontratës në mes të investitorit (BE) dhe operatorit që do të realizoj këtë projekt.

Agron Kuçi është zgjedhur në krye të komunës së Junikut me rreth 7 mijë banorë për të tretën herë.

Në zgjedhjet lokale të vitit 2017, Agron Kuçi është zgjedhur kryetar i Junikut qysh në raundin e parë të zgjedhjeve të zhvilluar me 22 tetor. Kandidati Agron Kuçi ka fituar me 1 mijë e 499 ose 57.88 për qind kundrejt tre kandidatëve të tjerë nga LDK, Vetëvendosje dhe PDK që synonin pozitën e të parit të Junikut.