nga një mbledhje e Kryesisë së Kuvendit. Foto: Kallxo.com
Kryesia e Kuvendit Shqyrton Kërkesën e VV-së dhe LDK-së
Kryesia e Kuvendit të Kosovës do të shqyrtojë sot kërkesën e grupeve parlamentare të Lëvizjes Vetëvendosje dhe të LDK-së për mbajtje të seancës së jashtëzakonshme.
Mbledhja e Kryesisë do të mbahet në ora 10:00.
Vetëvendosje dhe LDK kërkuan dje që një mbledhje e jashtëzakonshme të mbahet sot në ora 12:00, për shkak të mungesës së debatit në seancën e 9 shtatorit lidhur me parimet programore të Qeverisë.
Gjatë seancës së djeshme, tashmë kryeministri Ramush Haradinaj në fillim të mbledhjes ku do të votohej Qeveria e drejtuar prej tij, tha se ka përgatitur vetëm disa orientime programore, duke premtuar se “në të ardhmen do të përgatitet një program qeveritar”.
Ndryshe, Ramush Haradinaj është zgjedhur dje kryeministër i Kosovës.
Qeveria e drejtuar prej tij mori 61 vota për dhe një abstenoi.
Në momentin e votimit, deputetët e Vetëvendosjes, të LDK-së dhe Alternativës e kanë lëshuar sallën.
http://kallxo.com/kalon-ne-kuvend-qeveria-haradinaj/