Foto: Facebook
Krasniqi: Në Kuvend S’Duhet të Vazhdojnë Debatet nga Studiot Televizive
Albert Krasniqi nga Instituti Demokratik i Kosovës KDI)reagoi pas përplasjes për milionat mes Xhavit Halitit e Anton Qunit
“Kuvendi i Kosovës nuk është arenë për qërim të hesapeve personale, as vazhdim të debateve nga studiot televizive”, shkroi Krasniqi në facebook.
Ai përplasjet e tilla i quajti spektakle.
“Të mjerueshme këto spektaklet që çdo ditë po iu servohen qytetarëve. Mandej presim që këtu të diskutohen problemet tona e të gjinden zgjidhjet”, përfundoi Krasniqi.
Xhavit Haliti e Anton Quni polemizuan sot në Kuvend rreth një deklarate të deputetit të LDK-së të dhënë Televizionin “T7” mbrëmë.
Quni mbrëmë deklaroi se Haliti i kishte marrë tetë milionë euro nga Ahmet Krasniqi, ish-ministër i Mbrojtjes në Qeverinë e Kosovës në ekzil në kohën kur Haliti ishte përfaqësues i UÇK-së.
Sot në Kuvend Haliti këtë pretendim të Qunit e cilësoi “gënjeshtër të kulluar”, ndërsa Quni tha se do t’i argumentojë ato që tha.
http://kallxo.com/video-polemika-e-xhavit-haliti-e-anton-qunit-per-tete-milione-markat-per-uck-ne/
KDI-ja e monitoron vazhdimisht punën e Kuvendit të Kosovës.