KGJK Deklarohet për Arsyen e Dorëheqjes së Kabashiqit

Kryesuesi i Këshillit Gjyqësor të Kosovës Nehat Idrizi për KALLXO.com konfirmoi se kryetari i Gjykatës Themelore të Mitrovicës Nikolla Kabashiq ka paralajmëruar dorëheqjen nga pozita e tij.

NDËRLIDHUR

“Ne kemi pranuar një paralajmërim prej zotëri Kabashiqit për dorëheqjen e tij, por ende nuk kemi pranuar ndonjë njoftim zyrtar në lidhje me këtë dhe jemi në pritje”, tha Idrizi.

Ai konstatoi se do të trajtohet dorëheqja e Kabashiqit kur t’i shkojë KGJK-së.

“Posa ta pranojmë njoftimin nga zotëri Kabashiq, ne do ta trajtojmë atë dhe do të vendosim që eventualisht ta caktojmë ndonjë ushtrues detyre deri në shpalljen e konkursit”, tha Idrizi.

Idrizi tha se Kabashiq ka paralajmëruar dorëheqjebn për arsye personale, duke mos dhënë detaje tjera.

Edhe zëdhënësja e Këshillit Gjyqësor të Kosovës Aishe Qorraj- Krasniqi për KALLXO.com ka komentuar raportimet për dorëheqjen e kryetarit të Gjykatës Themelore të Mitrovicës Nikolla Kabashiq.

“Kryetari i Gjykatës Themelore në Mitrovicë ka paralajmëruar dorëheqjen, por akoma nuk e kemi pranuar zyrtarisht”, tha zëdhënësja Qorraj-Krasniqi.

KALLXO.com raportoi sot për ofrimin e dorëheqjes nga Nikolla Kabashiq.

Kabashiq është emëruar kryetar i kësaj gjykate muaj më parë kur u bë integrimi i gjyqësorit të veriut brenda institucioneve të Kosovës në bazë të marrëveshjes për drejtësi të arritur mes Kosovës dhe Serbisë në kuadër të dialogut të ndërmjetësuar nga Bashkimi Europian.

Jep Dorëheqje Kryetari i Gjykatës në Mitrovicë

14 Shkurt 2018 - 13:28

Labinot Leposhtica 14/02/2018 - 13:28
NDËRVEPRIMI9
Prishtina Insight