KALLXO 360: Koncerti i Studentëve të Pianos

Nëntë studentë të pianos nga klasa e profesoreshës Valbona Petrovcit i ofruan publikut disa pika ekzekutimi si pjesë e programit të fundit të semestrit.

Studentët e të gjitha viteve të studimeve performuan pikat nga autorët Bethoven, Chopin, Liszt, Arensky, Bach e Rachmaninoff.

Sipas profesoreshës Valbona Petroci ky është koncert që organizohet çdo vit me qëllim që t’u jepet mundësi studentëve për të parë avansimin dhe paraqitjen e tyre, meqë paraqitja skenike është pjesë e profesionit të tyre tashmë.

Ndër studentët performues ishin Elza Mehmeti, Arbëresha Shehu, Emi Çerkini, Etrita Hasani, Hatixhe Kastrati, Vigjilencë Islami, Blondina Ademaj, Gent Kumnova dhe Bimi Milla i cili u paraqit me dy pika perfomimi.

Zhvillimi i mësimit në formë individuale bën që profesorët të njihen nga afër me punën, suksesin dhe vështirësitë e studentëve, andaj mbajtja e mësimit dhe e ushtrimeve në klasat e njëjta u imponon studentëve që të punojnë deri në orët e vona vetë për të pasur mundësi për t’i shfrytëzuar instrumentet.

Sipas profesoreshës Petrovci, koncerti i radhës do të mbahet në muajin prill në mënyrë që studentët të fokusohen komplet në programin të cilin e kanë të paraparë për provim.

Më poshtë mund t’i shihni linqet e performansave individuale të studentëve në piano:

Elza Mehmeti – F.Chopin Etude op.25 no.1