Jovan Divjak Përballet me Akuza për Krime Lufte në Bosnjë

Policia në qytetin jugor boshnjak të Trebinës ka paraqitur akuza për krime lufte në zyrën e prokurorit të shtetit kundër Jovan Divjak, një gjeneral në pension i Ushtrisë Boshnjake, nën dyshimin për kryerjen e veprave penale kundër civilëve dhe krime kundër njerëzimit në komunën juglindore të Konjicit në vitin 1992, raportoi të mërkurën televizioni publik i Serbisë RTS.

Sipas akuzave, Divjak e dinte për ekzistencën e kampit të burgimit të Celebicit, ku forcat boshnjake dhe kroate mbanin të burgosur lufte, por nuk bëri asgjë për të parandaluar burgosjen e qindra civilëve serbë, tha RTS.

Divjak akuzohet gjithashtu për nxitje politikash që çuan në persekutimin e më shumë se 600 personave me kombësi serbe dhe mbajtjen e tyre në kamp.

Gjenerali në pension akuzohet gjithashtu për shkelje të ligjit ndërkombëtar humanitar, sidomos për dispozitat e Konventës së Gjenevës.

Mediat në Sarajevë raportojnë se Divjak ishte njoftuar për akuzat nga media, por nuk kishte asnjë koment.

Kampi Celebici funksionoi nga maji në dhjetor 1992 dhe u përdor për të mbajtur të burgosurit e luftës serbë të Bosnjës, shumica e të cilëve ishin civilë.

Serbia më parë kërkoi disa herë arrestimin e Divjak për përfshirjen e tij të dyshuar në një sulm mbi një karvan të Ushtrisë Popullore Jugosllave, ndërsa ajo largohej nga Sarajeva në maj 1992.

Edhe pse Divjak ka lindur nga prindër serbë, ai drejtori Ushtrinë Boshnjake të Bosnjës dhe Hercegovinës gjatë një lufte në atë republikë.