// E enjte ORA 20:20

0

16 Gusht 2011

EULEX ngrit aktakuzë ndaj stafit të gazetës Infopress

Lamjet

Sot EULEX-i ka ngritur aktakuzë kundër pesë pjesëtareve të gazetës Infopress me seli në Prishtinë. Pronari i gazetës Rexhep Hoti dhe 4 anëtarë të stafit, bashkë me kryetarin e komunës së Skenderajit, Sami Lushtaku, akuzohen për shkelje të statusit të barabartë të banorëve të Kosovës.

Sipas kodit penal të Kosovës, në rast se fajësia e të akuzuarve dëshmohet, ata mund të dënohen me burgim prej 6 muaj deri në 5 vite.

Këta gjithashtu akuzohen edhe për kërcënim dhe shpifje ndaj Jeta Xharrës, drejtoreshës së BIRN-it dhe njëherësh moderatores së emisionit të shumëshikuar. Në rast se dëshmohen, këto akuza bartin dënime me burg deri në gjashtë dhe tre muaj respektivisht.

Për 12 ditë rresht, në fund të majit dhe fillim të qershorit të vitit 2009, “Infopress” akuzohet të ketë udhëhequr fushatë urrejtjeje ndaj emisionit “Jeta në Kosovë” të BIRN-it dhe moderatores Jeta Xharra.

“Infopress” ka akuzuar pabazë Xharrën për tradhti, duke inkurajuar që të ndërmirren veprime të dhunshme ndaj saj. Në njërin nga shkrimet, gazeta në fjalë ka publikuar kërcënim të nënkuptuar me vdekje, ku thuhet: “Jeta ia bëri vetes që të mos ketë jetë të gjatë”.

Kjo fushatë erdhi si rezultat i debatit dyorësh në“Jeta në Kosovë” të transmetuar më 28 maj 2009, ku u diskutuan problemet e lirisë së shprehjes në Kosovë. Pjesë e emisionit ishte edhe reportazhi televiziv në të cilin tregohej se si ekipi që xhironte në komunën e Skenderajt të kryetarit Lushtaku u largua dhunshëm nga kjo komunëderisa xhironin pamje për një reportazh mbi qeverisjen lokale – pjesë e emisioneve që vizitonin komunat e Kosovës pas zgjedhjeve.

Në fund të qershorit 2009, Këshilli i Mediave të Shkruara të Kosovës vendosi se akuzat e pabazuara të Lushtakut të bëra në gazetën “Infopress” se Xharra ishte “shërbëtore e policisë sekrete të Serbisë” mund të shkaktonin “kërcënim për te, duke pasur parasysh veprat e asaj policie famëkeqe” dhe rekomandon prokurorët dhe policinë për ta hetuar Infopressin për “shkelje të mundshme të Kodit Penal të Kosovës, si kërcënim dhe nxitje e dhunës (ose madje edhe për vrasje)”.

Gazeta “Infopress” është e lidhur me partinë më të madhe në Kosovë, PDK-në (anëtar i së cilës është edhe Lushtaku) dhe ka përfituar më së shumti nga reklamat e qeverisëqë kur PDK është në qeveri. Deri më sot, i vetmi dënim i zbatuar ndaj gazetës “Infopress” për këtë sjellje ka dështuar: Infopress ka refuzuar pagesën e gjobës së Këshillit të Mediave të Shkruara në vlerë prej 1,000 euro”.

Institucionet si Asociacioni i Gazetarëve Profesionistë të Kosovës (AGPK), Komisioni i Pavarur i Medias dhe një grup i organizatave joqeveritare në Kosovë dolën në mbrojtje të gazetarëve të sulmuar të BIRN-it.

Nga skena ndërkombëtare, organizatat si Komiteti për Mbrojtjen e Gazetarëve, Human Rights Watch dhe Amnesty International gjithashtu publikuan brengat e tyre për shtypje të lirisë së fjalës në Kosovë dhe kërkuan që autoritetet kosovare t’i marrin masat e duhura në mënyrë që autorët të vihen para drejtësisë.

Duke komentuar për aktakuzën e sotme, Xharra tha: “Prokurorëve u janë dashur dy vite për të vepruar– dy vite gjatë të cilave gazeta “Infopress” ka besuar se mund të vazhdojë të veprojë në mënyrë poshtëruese dhe të rrezikshme pa u ndëshkuar; dy vite gjatë të cilave prokurorët vendorëjozyrtatisht kanë pranuar se hezitojnë të marrin masa kundër kësaj gazete për shkak të frikës se edhe ata mund të bëhen cak i sulmeve të saj.

Dy vite gjatë të cilave potenciali i shtetit tonë të ri, veçanërisht përpjekjet për ta siguruar fjalën e lirë, u lejuan të çalojnë. Veprimi i EULEX-it është i vonuar por megjithatë i mirëseardhur. Të shpresojmë që kjo përcakton një standard të ri.”

Kosova e ka shpallur pavarësinë në shkurt 2008 dhe nenet 40-42 të Kushtetutës së saj garantojnë fjalën e lirë dhe lirinë e mediave.

NDËRLIDHUR

Lamjet
 

Jeta në Kosovë diskuton për privatizimin e distribucionit të KEK-ut

Sonte Jeta në Kosovë transmeton tryezën e organizuar nga përfaqësues të shoqërisë civile ku është diskutuar për privatizimin e distribucionit të KEK-ut. Cilat janë sfidat të privatizimit të distribucionit? Cili është qëndrimi i Qeverisë së Kosovës e cili është qëndrimi i shoqërisë civile, e cili është qëndrimi i partive opozitare. Cilat janë praktikat e privatizimit […]

TË FUNDIT

 

Gratë në Vendimmarrje në Kosovë

Në emisionin e parë të “Jeta në Kosovë” për edicionin e vjeshtës 2017 u debatua për gratë në vendimmarrje në Kosovë. Debati u realizua në prag të zgjedhjeve për kryetarë të komunave dhe asamble komunale të cilat do të mbahen më 22 tetor Në emision, të ftuarit nga institucionet e pavarura, partitë politike dhe shoqëria […]

 

Dy Ekstremet e Kosovës, Uta Ibrahimi e Lavdrim Muhaxheri

Emisioni ‘Jeta në Kosovë’ sonte solli rrëfimin e Uta Ibrahimit, shqiptares së parë që u ngjit në majën më të lartë në botë, një debat për Lavdrim Muhaxherin si dhe një hulumtim për dëmet në bujqësi. Në emision shfaqen pamje ekskluzive nga xhirimet amatore për disa nga momentet më interesante që i kishte përjetuar Uta […]

 

Intervistë: Endru Rusëll

Koordinatori i UNDP-së në Kosovë, Endru Rusell, në intervistën për emisionin “Jeta në Kosovë”, tha se UNDP në bashkëpunim me Agjencitë e tjera të Kombeve të bashkuara po mundohen të krijojnë institucione që punojnë në mënyrë efikase dhe me më pak korrupsion. “Së bashku me Agjencitë e tjera të Kombeve të Bashkuara ne po mundohemi […]

 

Zgjedhjet dhe Shkeljet

Sonte në emisionin ‘Jeta në Kosovë’ u transmetuan gjetjet e monitoruesve të BIRN/Internews Kosova gjatë monitorimit të zgjedhjeve parlamentare të 11 qershorit. Në këtë emision, monitoruesit e BIRN/Internews Kosova shpalosën ato çka panë më 11 qershor, si ndryshuan votimet e së dielës në krahasim me zgjedhjet e mëparshme në Kosovë dhe cilat janë punët që […]

 

Intervistë: Ziadin Sela e Ditmir Bushati

Sonte në emisionin ‘Jeta në Kosovë’ u transmetuan intervistat me kryetarin e Lëvizjes për Reforma- PDSH, Ziadin Sela, dhe ministrin e jashtëm të Shqipërisë, Ditmir Bushati. Në intervistën me Selën, e para që nga incidenti në Kuvendin e Maqedonisë ku ai mori lëndime të rënda, ai rrëfen për momentet e sulmit të 27 prillit në […]

 

Intervistë: Hoyt Brian Yee

Zëvendës ndihmës sekretari amerikan Hoyt Brian Yee u përgjigj në pyetjet e Jeta Xharrës në Emisionin “Jeta në Kosovë”. Yee në intervistë u pyet se çfarë qeverie e Kosovës është e pranueshme për Amerikën pas zgjedhjeve të 11 qershorit dhe se a do të lejohet sikur në Maqedoni edhe në Kosovë formimi i qeverisë nga […]

Tash

NA NDIQNI

‘Forca e Ndryshimit’, Slogani i PDK-së për Zgjedhjet Lokale

by Naser Sertolli
NA NDIQNI

Send this to a friend