I Dehuri Sulmon Policët në Leposaviq
07.2.2016 - 11:54
Një person, i cili me gjasë ishte nën ndikimin e alkoolit, ka sulmuar fizikisht pjesëtarë të Policisë së Kosovës.
Sipas raportit të përditshëm të Policisë, incidenti ka ndodhur të shtunën në fshatin Leshak të komunës së Leposaviqit.
Autor i sulmit ndaj zyrtarëve policorë është një shtetas i Kosovës i nacionalitetit serb.
Sipas Policisë, me urdhër të prokurorit i dyshuari është dërguar në mbajtje.
Policia nuk ka treguar nëse ndonjëri prej oficerëve të saj ka marrë ndonjë lëndim në këtë sulm.