Pamje nga mbledhja e Këshillit të Përgjithshëm të Vetëvendosjes – Foto: KALLXO.com
Hyseni: Sadri Ramabaja po Persekutohet
Kryesuesi i Këshillit të Përgjithshëm të Lëvizjes Vetëvendosje e ka quajtur “persekutim” arrestimin e ish-asamblistit të Lëvizjes Vetëvendosje në Prishtinë, Sadri Ramabaja.
Ramabaja është arrestuar nën dyshimin për përgatitje të veprave terroriste kundër rendit kushtetues të Kosovës.
Hyseni në fjalën e tij hyrëse në mbledhjen e 31 të Këshillit të Përgjithshëm të Lëvizjes Vetëvendosje tha se arrestimi i ish-asamblistit të Vetëvendosjes është persekutim duke thënë se ai është i pafajshëm.
Ramabaja aktualisht është në paraburgim dhe i është pamundësuar pjesëmarrja në mbledhjen e Këshillit Drejtues.
Në rrjetin e tij social, “Facebook”, Sadri Ramabaja kishte treguar se më 25 shtator ka marrë ftesë për t’u paraqitur në Prokurorinë Speciale të Kosovës në cilësinë e të pandehurit dhe të dyshuarit për kryerjeve e dy veprave penale: Vrasje të përfaqësuesve të lartë të Republikës së Kosovës dhe Përgatitje të veprave terroriste ose veprave penale kundër rendit kushtetues dhe sigurisë së Republikës së Kosovës.
http://kallxo.com/sadri-ramabaja-del-para-gjykates-prokuroria-kerkon-paraburgim/
Ramabaja ishte ndaluar nga Policia e Republikës së Shqipërisë dhe ishte kthyer në Kosovës ku i ishte caktuar masa e paraburgimit.