Hoti Paralajmëron Interpelancë për Rastin Rikalo

Abdullah Hoti në një konferencë për gazetarë paralajmëroi interpelancë të qeverisë për Rastin Rikalo.

Shefi i grupit parlamentar të LDK-së Avdullah Hoti në një konferencë për gazetarë paralajmëroi interpelancë të qeverisë, nëse Kryeministri haradinaj nuk e shkarkon ministrin e Bujqësisë Nenad Rikalo.

NDËRLIDHUR

Banorë të një objekti në Lagjen “Dardania” në Prishtinë i thanë para dy ditësh KTV-së se tash ministri ishte përfshirë në maltretim të shqiptarëve, i veshur me rroba ushtarake.

“Grupi parlamentar i LDK me forma demokratike, e jo me dhunë do të punojë për respektimin e Kushtetutës. Ne do të thërrasim interpelancë për rastin Rikalo”, tha Hoti.

Në Ditën e Demokracisë kur Kuvendi i Kosovës ka hapur dyert e tij për vizitorë, Hoti që konferencën e mbajti në ndërtesën e legjislativit konstatoi se kryeministri Ramush Haradinaj dhe kryeparlamentari Kadri Veseli kanë shkelur rregulloret me mbylljen e seancës së thirrur nga opozita dhe me votimin e qeverisë pa debat parlamentar.

Qeveria Haradinaj u miratua të shtunën që shkoi në Kuvend, pasi më parë kaloi mocioni që të shkohet direkt në votim të saj, ndërsa të dielën u zhvillua seancë për të debatuar rreth programit qeveritar në të cilin nuk morën pjesë kabineti qeveritar dhe shumica dërrmuese e deputetëve të koalicionit qeverisës.

Kalon në Kuvend Qeveria Haradinaj

Hoti deklaroi se Haradinaj e ka nisur punën me fyerje ndaj gazetarëve, ndërsa foli edhe për kërcënimin me jetë që iu bë një gazetari nga një deputet, duke aluduar në kërcënimin që deputeti Bekë Berisha i bëri kryeredaktorit të Insajderit Vehbi Kajtazi.

15 Shtator 2017 - 12:02

Bekim Muhaxheri 15/09/2017 - 12:02
NDËRVEPRIMI0

Hoti Paralajmëron Interpelancë për Rastin Rikalo

by Bekim Muhaxheri
NA NDIQNI

Send this to a friend