Foto: REL/AP

Historia në Ballkan Tusk-ut i duket film horror

Presidenti i Këshillit Europian, Donald Tusk ka përshëndetur përpjekjet e Maqedonisë për marrëdhënie të mira me fqinjët në rrugën e saj drejt Bashkimit Europian, duke thënë se hapa të tillë në Ballkanin Perëndimor janë shumë të “rëndësishëm” për Europën.

Duke folur në një samit rajonal në Shkup më 27 prill, Tusk ka përmendur konfliktin në mes të Serbisë dhe shtetësisë së Kosovës.

Ai ka krahasuar këtë mosmarrëveshje me çështjen e emrit në mes të Maqedonisë dhe Greqisë, për të cilën ai ka dhënë shenja se ka përparim.

Ai ka thënë se liderët maqedonas kanë treguar “gatishmëri të vërtetë politike” për të zgjidhur këtë konflikt, derisa liderët e tjerë rajonalë duhet ende të bëjnë “përpjekje shtesë” për të tejkaluar mosmarrëveshjet.

“Pajtimi në këtë pjesë të Europës është i rëndësishëm për gjithë kontinentin, stabilitetin tonë, paqen dhe prosperitetin”, ka thënë ai.

“Është e mundshme që historia e Ballkanit, një film i kategorisë horror që nuk mbaron kurrë, të kthehet në një prodhim që fiton Oscar dhe ka një fund të lumtur”, është shprehur ai.

Këtë javë Tusk ka vizituar edhe Kosovën, Shqipërinë, Bosnjën dhe Hercegovinën, Malin e Zi dhe Serbinë.

28 Prill 2018 - 10:22

REL 28/04/2018 - 10:22
NDËRVEPRIMI0
Prishtina Insight
NA NDIQNI

Send this to a friend