Haradinaj Priti Familjarët e të Dënuarve në Rastin e Kumanovës
06.11.2017 - 18:04
Kryeministri i Kosovës, Ramush Haradinaj, priti sot familjarët e të dënuarve në rastin e Kumanovës.
Kryeministri Haradinaj dëgjoi shqetësimet e familjarëve për mirëqenien, si dhe dënimet e qytetarëve të Kosovës që po mbahen në Maqedoni.
Familjarët e të dënuarve thanë se dënimet e shqiptuara nga Gjykata janë të papranueshme dhe nuk përkojnë me asnjë parim të së drejtës, thuhet në komunikatën e Zyrës së Kryeministrit.
Sipas komunikatës, Kryeministri Haradinaj siguroi familjarët se Qeveria e Republikës së Kosovës është në shërbim të të gjithë qytetarëve të Kosovës dhe se do të jetë në përkrahje të familjarëve gjatë këtij procesi.
Gjykata në Shkup të enjten u shqiptoi në total 746 vjet burg pjesëtarëve të këtij grupi.