Qeveria e Kosovës | Foto: Zyra e Kryeministrit
Haradinaj për Zgjedhjet: T’ia Zbardhim Fytyrën Kosovës
20.10.2017 - 16:58
Pasi përfundoi të gjitha pikat e rendit të ditës në mbledhjen e Qeverisë, kryeministri Haradinaj tha se ka dy lajme të mira.
“Javën tjetër vjen në vizitë në Kosovë Këshilli i NATO-s dhe diku më 17 nëntor do të kemi këtu kongresmenin Eliot Engel”, tha Haradinaj.
Haradinaj pastaj e vlerësoi demokratik procesin e deritashëm të fushatës për zgjedhjet lokale në Kosovë dhe luti qytetarët që këtë ditë t’ia zbardhin fytyrën Kosovës.
“Nga kualiteti i zgjedhjeve varet edhe integrimi e liberalizimi më i shpejtë”, tha Haradinaj.
“I uroj Kosovës fat!”, përfundoi ai.
Zgjedhje, fer të drejta e demokratike pret edhe Presidenti Hashim Thaçi.