Haradinaj Njofton Partinë Rreth Përpjekjeve për Ratifikimin e Demarkacionit

Aleanca për Ardhmërinë e Kosovës (AAK) sot ka mbajtur mbledhjen e Këshillit Drejtues të Partisë, ku ka diskutuar për zhvillimet politike e institucionale në vend, si dhe për zgjedhjet e brendshme në parti.

Kryetari i AAK-së dhe kryeministër i vendit, Ramush Haradinaj, ka informuar bashkëpartiaket e tij për përpjekjet që po bëhen në adresimin e çështjeve me prioritet për vendin, duke përfshire avansimin e zhvillimit ekonomik, por edhe çështjen e demarkacionit.

Sipas një komunikate të AAK-së, Këshilli Drejtues i kësaj partie ka vendosur që të vazhdohet me procesin zgjedhor në degët e AAK-së, në mënyrë që zgjedhjet në Parti të përfundojnë brenda afatit.

Këshilli Drejtues është përcaktuar që ky proces zgjedhor në AAK, njëkohësisht të jetë proces i përfshirjes së kuadrove të reja në të gjitha nivelet e organizimit në parti.

Po ashtu në këtë mbledhje janë përcaktuar afatet e përfundimit të procesit zgjedhor nëpër degë.