Kryeministri i Kosovës, Ramush Haradinaj dhe kryetari i Kuvendit, Kadri Veseli gjatë një konference të përbashkët për media - Foto: REL
Haradinaj merr pjesë në tryezën politike të thirrur nga Kadri Veseli
07.5.2018 - 20:28
Nesër në orën 13:00 Kadri Veseli pret kryetarët dhe përfaqësuesit e partive politike në kuadër të takimeve që janë duke vazhduar që nga java e kaluar kur LDK-ja e kishte thirrur tryezën.
Në agjendën e kryeministrit Haradinaj për nesër shihet se shefi i Qeverisë ka ndarë kohën për të marrë pjesë në këtë takim.
KALLXO.com ka shkruar në vazhdimësi gjatë javës për këto takime.
LDK dhe Vetëvendosje e kanë konfirmuar pjesëmarrjen në këtë tryezë politike, mirëpo nuk do të përfaqësohen nga kryetarët e partive.
Nga Vetëvendosje i pranishëm do të jetë shefi i Grupit Parlamentar të VV-së, Glauk Konjufca ndërsa LDK-ja do të përfaqësohet me njërin nga nënkryetarët.
http://kallxo.com/ldk-e-vv-i-shkojne-kadri-veselit-ne-konak/