Gjykimi për vrasjen e Naim Hajrizit | Foto: KALLXO.com

Gjykimi për Vrasje që nuk po Kryhet që 8 Vjet

Gjykimi i Gëzim Retkocerit dhe Osman Spahiut për vrasjen e Naim Hajrizit i ka bërë tetë vjet pa e gjetur fundin.

Edhe pse Gëzim Retkoceri e Osman Spahiu që tetë vjet po gjykohen për vrasjeën e Naim Hajrizit, kjo nuk ka ndikuar që seanca të zhvillohej.

NDËRLIDHUR

Seanca e këtij gjykimi është shtyrë, pasi kryetari i trupit gjykues Vesel Ismajli tha se nuk ka pranuar asnjë vendim për kërkesat e parashtruara nga avokatët.

Në seanca të kaluara avokatja e të akuzuarit Gëzim Retkoceri, Fehmije Gashi- Bytyqi, kishte bërë kërkesë për përjashtimin e prokurores së rastit, Fikrije Fejzullahu.

Po ashtu, avokati i palës së dëmtuar, Bajram Tmava, ka kërkuar që të ricaktohet prokurorja e rastit për vazhdimin e këtij procesi.

Në maj Prokuroria e Apelit kishte refuzuar kërkesën e avokates Fehmije Gashi- Bytyqi për përjashtimin e prokurores me arsyetimin se nuk është gjetur asnjë arsye që prokurorja Fikrije Fejzullahu të përjashtohej, por kryetari i trupit gjykues Ismajli tha se nuk ka pranuar vendim për këtë çështje.

Refuzohet Kërkesa për Përjashtimin e Prokurores në Gjykimin për Vrasje

Kur shtyu seancën, Ismajli tha se i vjen keq nga dëshmitarët.

“Nuk mund të procedohet më tutje. Seanca e sotme ndërprehet, na vie shumë keq prej dëshmitarëve”, tha Ismajli.

Fehmije Gashi- Bytyqi, avokatja e Gëzim Retkocerit shprehu brengosjen për stërzgjatjen e këtij procesi.

“Unë si mbrojtëse shprehi brengën time se kjo çështje është prolonguar shumë, e sidomos fakti që të akuzuarit janë në paraburgim që 8 vjet. Për këtë e shoh neglizhente dhe të papërgjegjshme në pikëpamje ligjore Prokurorinë e Shtetit dhe të gjitha instancat e saj”, tha Gashi-Bytyqi për KALLXO.com.

Prokuroria akuzon Retkocerin dhe Spahiun se më 29 prill të vitit 2009 me qëllim të përfitimit të dobisë pasurore e kanë rrëmbyer tani të ndjerin Naim Hajrizi dhe pastaj e kanë goditur me mjete të forta duke e mbytur.

Në korrik të vitit 2015 të akuzuarit ishin dënuar me nga 30 vjet burgim por pas ankesës së mbrojtjes, Gjykata e Apelit e kishte kthyer rastin në rigjykim.

Nga 30 Vjet Burg Dy të Akuzuarve për Vrasje

KALLXO.com ka ndjekur vazhdimisht këtë proces gjyqësor.

Policia Ndërhyn për t’i Ulur Gjakrat në Seancë

18 Qershor 2017 - 21:38

Arita Gërxhaliu 18/06/2017 - 21:38
NDËRVEPRIMI19

Gjykimi për Vrasje që nuk po Kryhet që 8 Vjet

by Kallxo
NA NDIQNI