Leonora Morina- Bunjaku, kandidate e PDK-së për zgjedhjet e 11 qershorit 2017,. Foto: Facebook.
Gjobitet Kandidatja e PDK-së, Leonora Morina- Bunjaku
Ankesa e BIRN dhe I/KS, e paraqitur kundër kandidates për deputete nga radhët e koalicionit PAN, Leonora Morina- Bunjaku, u pranua si e bazuar nga PZAP.
Leonora Morina-Bunjaku, nga koalicioni PAN, u gjobit me 300 euro.
Parashtruesi i ankesës BIRN dhe I/KS, në ankesën e deponuar në PZAP, pretendoi se gjatë ditës së zgjedhjeve më 11 qershor, kandidatja për deputete në Kuvendin e Kosovës, Leonora Morina-Bunjaku, nga koalicioni PAN, bëri shkelje të Ligjit për Zgjedhjet e Përgjithshme në Kosovës.
Pretenduesi i ankesës BIRN dhe I/KS, në ankesën e deponuar në PZAP së bashku me provat e bashkangjitura pretendoi se kandidatja në fjalë theu heshtjen zgjedhore duke postuar në rrjetin social “Facebook” duke treguar për mënyrën e votimit për të.
Gjoba obligohet të paguhet brenda 15 ditëve nga dita e pranimit të këtij vendimi.
Zyra Ligjore e BIRN dhe I/KS, ka deponuar 37 ankesa në PZAP, për zgjedhjet e parakohshme për Kuvendin e Republikës së Kosovës.
PZAP, ka gjetur shkelje dhe ka shqiptuar dënime për disa prej subjekteve politike.
Paneli Zgjedhor për Ankesa dhe Parashtresa, më 18 qershor, mori vendim me të cilin e pranoi si të bazuar ankesën e BIRN dhe Internews Kosova, duke i shqiptuar Listës Serbe gjobë në vlerë prej 25 mijë eurove.
