Kreu i Kuvendit, Kadri Veseli - Foto: KALLXO.com

Gjobitet Kadri Veseli

Kryetari i Kuvendit Kadri Veseli është gjobitur nga Gjykata në Prishtinë ngase nuk erdhi si dëshmitar në gjykimin e deputetëve të VV-së.

Gjykata Themelore në Prishtinë e gjobiti sot kryetarin e Kuvendit Kadri Veseli me 200 euro, për shkak se Veseli nuk erdhi si dëshmitar në seancën ku katër deputetë të Lëvizjes “Vetëvendosje” akuzohen për gazin lotsjellës në Kuvend.

NDËRLIDHUR

Gjobë e njëjtë iu shqiptua edhe nënkryetarit të Kuvendit Xhavit Haliti, por edhe deputetëve Naser Osmani e Armend Zemaj, si dhe Leonora Limajt.

As Haliti, Osmani, Zemaj e Limaj nuk u paraqitën në gjykatë, ku si Veseli ishin ftuar si dëshmitarë.

Dënimin e Kadri Veselit me gjobë, e akuzuara tjetër e këtij procesi Donika Kadaj-Bujupi e quajti tallje.

Seanca është shtyrë në afat të pacaktuar.

21 Prill 2017 - 09:51

Labinot Leposhtica 21/04/2017 - 09:51
NDËRVEPRIMI0

Gjobitet Kadri Veseli

by Labinot Leposhtica
NA NDIQNI