Koalicioni PDK-AAK-NISMA Brenda Votave të Vitit 2014

KALLXO.com sjell 54 deputetët më të votuar të këtyre 3 partive nga zgjedhjet e kaluara, nëse renditen në bazë të numrit të votave që ata kanë marrë.

Në minutat e fundit të afatit ligjor, Partia Demokratike e Kosovës është bashkuar me koalicionin AAK-NISMA duke hequr dorë nga kandidatura për kryeministër.

NDËRLIDHUR

Menjëherë pas dorëzimit të dokumentacioneve të duhura për zyrtarizmin të koalicionit parazgjedhor, të tri partitë mbajtën konferenca të jashtëzakonshme për media. Ata njoftuan se bartës i listës do të jetë Kadri Veseli dhe se Ramush Haradinaj do të jetë kandidati i koalicionit për kryeministër.

Ndërsa lista prej 110 kandidatëve për deputetëve do të ndahet në 55 kandidatë për deputetë për AAK dhe Nismën dhe 55 kandidatë për deputetë për PDK-në dhe partitë e tjera të vogla.

KALLXO.com ka hulumtuar në rezultatet e zgjedhjeve të fundit të vitit 2014, për të parë votat që kanë marrë kandidatët për deputetë në këto tri parti të mëdha. Sistemi zgjedhor proporcional me lista të hapura e bën të domosdoshme që brenda një liste të kandidatëve për deputetë të ketë një garë të brendshme për vota dhe rrjedhimisht të ketë një prag natyral. Pragu natyral vendoset në atë mënyrë që lidhet direkt me përqindjen e votave të fituara. Nëse një parti që ka 100 kandidatë merr 40 për qind të votave, atëherë pragu natyral vendoset në 40 kandidatët më të votuar.

Në bazë të analizës së rezultateve të votimit në vitin 2014, del që brenda PDK-së ka qenë një garë më e madhe për t’u bërë deputet, pasi pragu natyral ka qenë 9,500 vota. Kaq i ka pasur deputeti i fundit që është pranuar në listën e PDK-së, e që ka qenë Rrustem Mustafa.

Në bazë të rezultateve të fundit të këtyre të partive politike, në total këto kanë pasur 54 deputetë: 37 deputetë PDK, 11 deputetë AAK dhe 6 deputetë Nisma për Kosovën.

KALLXO.com sjell 54 deputetët më të votuar të këtyre 3 partive nga zgjedhjet e kaluara, nëse renditen në bazë të numrit të votave që ata kanë marrë.

Në bazë të listës së deputeteve të votuar i bie që PDK-ja mund të marrë pjesën dërmuese të deputeteve. 47 deputetë të PDK-së kanë hyrë në mesin e 54 kandidatëve me të votuar nga tre subjektet në vitin 2014. Kurse, AAK-ja nga 11 deputetë sa i ka fituar si parti e vetme, vetëm 4 deputetë hyjnë në listën e kandidatëve më të votuar nga tri subjektet.

Kurse, Nisma nga 6 deputet sa i ka marrë si parti e vetme në vitin 2014, nëse renditet në një listë kandidatët e tri partive, i bie do t’i kishte vetëm 3 kandidatë me vota të mjaftueshme për t’u përfshirë në listën e kandidatëve më të votuar nga tri subjektet.

Vetëm dy kandidatë të AAK-së kanë marrë më shumë vota se sa Rrustem Mustafa, deputeti i fundit që ishte pranuar nga listën e PDK-së.

Ramush Haradinaj, si bartës i listës së AAK-së në zgjedhjet e fundit i ka pasur 50338 vota. Deputeti më i votuar në AAK pas Ramush Haradinajt ka qenë vëllai i tij, Daut Haradinaj me 11589 vota.

54 deputetët më të votuar të këtyre 3 partive nga zgjedhjet e kaluara

  1. Hashim Thaçi (PDK): 166,422
  2. Kadri Veseli (PDK): 54,872
  3. Ramush Haradinaj (AAK): 50,388
  4. Fatmir Limaj (NISMA) : 26,789
  5. Enver Hoxhaj (PDK): 22,187
  6. Jakup Krasniqi (NISMA): 18,613
  7. Elmi Reçica (PDK): 18,010
  8. Hajredin Kuçi (PDK): 17,980
  9. Memli Krasniqi (PDK): 16,112
  10. Rafet Rama (PDK): 15,422
  11. Arsim Bajrami (PDK): 15,104
  12. Raif Qela (PDK): 15,024
  13. Agim Aliu (PDK): 14,882
  14. Fadil Beka (PDK): 14,395
  15. Labinotë Demi Murtezi (PDK): 14,232
  16. Sala Berisha-Sala (PDK): 14,179
  17. Bekim Haxhiu (PDK): 13,075
  18. Xhavit Haliti (PDK): 13,349
  19. Ramiz Kelmendi (PDK): 13,320
  20. Latif Gashi (PDK): 12,532
  21. Adem Grabovci (PDK): 11,962
  22. Daut Haradinaj (AAK): 11,589
  23. Azem Syla (PDK): 11,146
  24. Zenun Pajaziti (PDK): 10,888
  25. Agim Çeku (PDK): 10,804
  26. Naim Fetahu (PDK): 10,747
  27. Nuredin Lushtaku (PDK): 10,739
  28. Besim Beqaj (PDK): 10,499
  29. Nezir Çoçaj (PDK): 10,476
  30. Gëzim Kelmendi (PDK): 10,041
  31. Rrustem Mustafa (PDK): 9,509
  32. Nait Hasani (PDK): 9,354
  33. Shaip Muja (PDK): 9,209
  34. Ferid Agani (PDK): 9,008
  35. Fadil Demaku(PDK): 8,983
  36. Blerand Stavileci (PDK): 8,774
  37. Hajdar Beqa (PDK): 8,617
  38. Abdyl Ymeri: (PDK): 8,549

1/3 e 54 është 18. Mirëpo, meqë dy deputetët kanë arritur të hyjnë në Kuvend për shkak të numrit të madh të votave që kanë marrë, atëherë janë vetëm 16 të tjera të cilat duhet të futen në Kuvend duke marrë për bazë kërkesën ligjore që 1/3 e deputeteve duhet të jenë gra.

  1. Mexhide Mjaku Topalli (PDK): 7,620
  2. Flora Brovina (PDK): 7,524
  3. Blerta Deliu Kodra (PDK): 7,479
  4. Edita Tahiri (PDK): 7,440
  5. Margarita Kadriu Ukelli (PDK): 7,098
  6. Selvije Halimi (PDK): 6,435
  7. Vlora Çitaku (PDK): 6,173
  8. Donika Kadaj Bujupi (AAK): 6,143
  9. Shukrije Bytyqi (NISMA): 6,023
  10. Xhevahire Izmaku (PDK): 5,799
  11. Luljeta Veselaj Gutaj (PDK): 5,763
  12. Time Kadrijaj (AAK): 5,749
  13. Safete Hadërgjonaj (PDK): 5,179
  14. Ganimete Musliu (PDK): 5,037
  15. Salihe Mustafa (PDK): 4,801
  16. Zahrije Jusufi (PDK): 4,453

 

17 Maj 2017 - 15:26

Taulant Osmani 17/05/2017 - 15:26
NDËRVEPRIMI0

Koalicioni PDK-AAK-NISMA Brenda Votave të Vitit 2014

by Taulant Osmani
NA NDIQNI

Send this to a friend