Hoxhaj në Twitter: Egjipti e Njohu Kosovën
26.6.2013 - 17:07
Lajmi është kumtuar nga ministri i Punëve të Jashtme të Kosovës, Enver Hoxhaj në Twitter.
Për Gazetën Jeta në Kosovë lajmin e ka konfirmuar edhe zëvendësministri i Punëve të Jashtme Petrit Selimi.
Hoxhaj ishte takuar disa herë me zyrtarë të lartë të shtetit të Egjiptit përfshirë këtu edhe takimin e fundit me ministrin e Punëve të Jashtme të Egjiptit Mohamed Kamel Amr.
Egjipti në disa raste kishte paralajmëruar njohjen e Kosovës në takimet e ndryshme bilaterale me përfaqësues nga Kosova.
Egjipti është vendi më i populluar (rreth 85 milionë banorë) dhe më me ndikim në botën arabe.