Raportoni Korrupsionin!

  • 1
  • 2
  • 3
  • 4
  • 1
  • 2
  • 3
  • 4
  • 1
  • 2
  • 3
  • 4
  • 1
  • 2
  • 3
  • 4
FLM!

RAPORTI JUAJ
ESHTE DERGUAR

Bllaca Përshëndetet me Medie

Një ditë para se të vazhdojë procesi gjyqësor ndaj tij, Nazim Bllaca u është drejtuar të martën medieve me një letër elektronike. Në të ai falënderoi mediet që raportuan drejt gjatë proceseve tjera ku ai u përfshi si dëshmitar, duke i përgëzuar ato që nuk u gjunjëzuan përballë presionit katërvjeçar qeveritar. Në letër Bllaca premtoi se përsëri do t’u nxjerr punë gazetarëve.

Procesi gjyqësor  tashmë i pagëzuar si “Bllaca III” pritet të vazhdojë të mërkurën, ndërsa  “protagonisti” i  tij Nazim Bllaca që në të akuzohet për vrasje, u është drejtuar të martën medieve me një letër falënderuese lamtumirëse.

NDËRLIDHUR

Bllaca në letër paralajmëron se duke qenë tash i pandehur, nuk do të jetë në dispozicion për deklarata, si më parë.

Bllaca në nëntor të vitit 2009, doli me letërnjoftim në duar para medieve afër ndërtesës së qeverisë, për të deklaruar se ishte pjesëtar i Shërbimit Informativ të Kosovës(ShIK), ndërsa akuzonte këtë strukturë për  kryerje vrasjesh.

Nga atëherë janë kryer  dy procese gjyqësore në bazë të deklarimeve të Bllacës, ndërsa në to shtatë persona janë shpallur fajtorë për vrasje ose vepra të ngjashme penale.

Në procesin e quajtur Bllaca I që përfundoi më 23 nëntor 2011 Fahredin Gashi, një ish-pjesëtar i UÇK-së u dënua me 18 vjet burg për vrasje, ndërsa  Hysni Rama u dënua me gjashtë muaj burg me kusht për ndihmën e kryesit në fshehje të krimit.

Në procesin gjyqësor Bllaca II, të përfunduar më 17 dhjetor 2012, Sadik Abazi, Shaban Syla, Driton Hajdari, Bekim Syla dhe Shpresim Uka u dënuan  së bashku me 54 vjet burg për vrasje, vrasje të rëndë të mbetur në tentativë dhe për rrëmbim personi. 

“Bllaca III” pritet të vazhdojë ditëve të ardhshme…

Në letrën elektronike të martën, Bllaca, mediet që raportuan drejt për proceset e kaluara ku ai u përfshi, bashkë me veten i futi në luftën e përbashkët kundër së keqes.

“Tash ka ardhur koha që për një kohë ne të ndahemi. Që të mos mund të komunikoi me juve”, shkroi Nazim Bllaca në letër, duke premtuar më pas se gazetarëve përsëri do t’u nxjerrë punë.

Shtëpia e Nazim Bllacës u sulmua të shtunën e 29 qershorit gjatë natës me granatahedhës nga persona të panjohur.

Sulmi shkaktoi vetëm dëme materiale, ndërsa nuk lëndoi njerëz.

Bllaca sulmin e konsideroi si një mesazh që i jepet nga njerëzit që do të preken prej procesit gjyqësor Bllaca III, ose proceseve të tjera që do të vijnë pas tij, ndërsa policia i tha gazetës Jeta në Kosovë të hënën se ka nisur hetimet për këtë sulm.

“Shpresoj se do të shihemi nëpër seanca gjyqësore me ju të nderuara media”, shkroi Bllaca në fund të letrës.

ETIKETA

02 Korrik 2013 - 1:01 pm

Gazeta Jeta në Kosovë 02/07/2013 - 1:01 pm
NDËRVEPRIMI0
KOMENTE0