Prenk Gjetaj - Foto: KALLXO.com

Gjetaj: Serbia Ka Dosje për Vendndodhjen e të Zhdukurve

Komisioni Qeveritar për Persona të Zhdukur ka kërkuar edhe njëherë që çështja e të zhdukurve të mos politizohet.

Kryetari i këtij Komisioni, Prenk Gjetaj, në një konferencë për media sot tha se çështja e personave të zhdukur nuk duhet mbetur peng i politikës.

NDËRLIDHUR

“Çështja e personave të zhdukur nuk duhet të mbetët peng i çështjeve politike sepse kemi çështje tjera të cilat mund të evoluojnë sipas nevojave politike, por çështja e personave të zhdukur s’bën të politizohet”, tha Gjetaj

Sipas tij në Serbi ka dokumentacione e arkiva që mund të hapin rrugën drejt gjetjes së lokacionit të të zhdukurve.

“Për çështjen e të zhdukurve ne duhet të bisedojmë vetëm me Serbinë, s’kemi me kë tjetër të bisedojmë sepse ata kanë bërë krime gjatë kohës së luftës. E dyshimet janë që ata kanë arkiva, kanë dokumentacion, kanë dosje, janë njerëzit të cilët kanë informacione dhe dinë se ku është vendndodhja e gjithë atyre të cilët na mungojnë”, tha ai.

Gjetaj gjithashtu ka përmendur edhe rastin e dyshimeve për varrezë masive të Xhamia e Ibrit, për të cilën është diskutuar qe 17 vite, mirëpo veç tash vonë u hulumtua ky rast dhe nuk është gjetur asgjë.

“Nganjëherë kemi informata që po na krijojnë huti, sikur që ishte rasti te Xhamia e Ibrit. Prej pasluftës është folur dhe është neglizhuar kjo punë. Dikush ka pasë faj aty sepse është krijuar mundësia e spekulimit. Informata  kanë qenë që është vend i dyshuar, i supozuar si varrezë masive dhe kjo të mbetet 17 vite pa u procedu, pa u gërmu e me kriju mundësi spekulimi nuk është dashtë”, tha Gjetaj.

Gërmohet në Veri, nuk Ka Varrezë Masive

Ai kërkoi nga çdokush që ka informacione për ndonjë varrezë të lajmërojë në Komision në mënyrë që këto çështje të procedohen dhe të punohet në gjetjen e lokacioneve.

Komisioni qeveritar për të Zhdukurit ka miratuar raportin e punës të vitit të kaluar ndërsa shpalosi edhe 3 pikat kryesore gjatë vitit në vijim.

“Rritja e bashkëpunimit në mes të akterëve vendorë dhe ndërkombëtarë si dhe intensifikimi i bashkëpunimit rajonal, përkrahja e familjeve të personave të zhdukur dhe përkrahja e shoqatave familjare si dhe objektivi i tretë do të jetë sigurimi i informatave të reja dhe procedimi i lokacioneve apo rasteve të hapura”, tha Gjetaj gjatë konferencës për media.

Gjetaj: S’ka Raport për të Zhdukurit Pa Pjesëmarrjen e Kosovës

15 Mars 2017 - 13:36

Taulant Osmani 15/03/2017 - 13:36
NDËRVEPRIMI0

Gjetaj: Serbia Ka Dosje për Vendndodhjen e të Zhdukurve

by Taulant Osmani
NA NDIQNI