Foto: Ilustrim
Gjendet pa shenja jete një person në Prishtinë
24.4.2018 - 16:08
Një person pa shenja jete është gjetur sot pasdite në Rrugën “Xhemajli Berisha” të Prishtinës.
Lajmin për vdekjen që policia e konsideron të dyshimtë, e bëri të ditur për KALLXO.com Agron Borovci, zëdhënësi i Policisë Rajonale të Prishtinës.
“Me datën 24.04.2018 rreth orës 13:30 kemi pranuar informatë për një person te alivanosur në Rrugën Xhemajli Berisha. Policia ka dalë në vendin e ngjarjes, gjithashtu edhe ekipet e ndihmës së shpejtë të cilat kanë konstatuar se personi është pa shenja jete”, tha Borovci.
Sipas Borovcit, rasti i vdekjes po hetohet, ndërsa i vdekuri ishte i moshës 70 vjeçe.
Sot edhe në rrugën Gjakovë- Goden u gjet pa shenja jete brenda makinës aktori Art Kurti.