QKUK - Foto: Atdhe Mulla
Edhe një Vdekje e Dyshimtë në QKUK
17.9.2017 - 17:06
Policia e Kosovës ka njoftuar se ka pranuar një ankesë nga një burrë, i cili ka njoftuar se bashkëshortja e tij ka vdekur në QKUK pas operimit.
Sipas raportit, ankuesi dyshon se bashkëshortja e tij ka vdekur nga pakujdesia ose nga pajisjet mjekësore.
Sipas ankuesit, bashkëshortja i ka vdekur më 2 shtator ndërsa ai është ankuar më 15 shtator.
Policia thotë se rasti, i cili po trajtohet si vdekje e dyshimtë, është nën hetime.
Raportimi i këtij rasti vjen pas disa rasteve të vdekjeve në QKUK që u bënë publike ditëve të kaluara.
Edhe inspektoratet e Ministrisë së Shëndetësisë kanë filluar hetime “të pavarura dhe të detajuara” rreth këtyre rasteve të dyshimta të vdekjeve.
http://kallxo.com/ministri-deklarohet-per-vdekjet-e-dyshimta-ne-qkuk/