Ndeshja Prishtina - Drita - Foto: KALLXO.com
Drita është kampioni i ri i Kosovës në futboll
Ka përfunduar ndeshja Prishtina-Drita, e cila e përcaktonte kampionin e Superligës së Kosovës.
Ndeshja përfundoi me rezultat të barabartë 0 me 0.
Ndeshja u zhvillua në stadiumin “Shahin Haxhiislami” të qytetit të Pejës.
Ndeshjen e gjykuan, Fatmir Tahiri nga Mitrovica, si dhe Edmond Zeqiri, Fatmir Sakiraqa e Selim Isufi nga Podujeva.
Loja ishte gati e barabartë.
Prishtina e përfundoi ndeshjen pa dy lojtarë, Debatik Currin dhe Dallkun, të cilët u ndëshkuan me kartonë të kuq.
Drita ka plotë 28 ndeshje radhazi pa humbje duke i prirë tabelës me 66 pikë të grumbulluara në 32 ndeshje. Përderisa ekipi i Prishtinës ka grumbulluar 63 pikë dhe radhitet e dyta në tabelë pas Dritës.
Drita e Gjilanit momentalisht është në vend të parë me 3 pikë më shumë sesa rivali direkt për titull, Prishtina.
Drita shpallet kampion me fitore, barazim apo edhe nëse humb me një gol diferencë, ndërsa Prishtinës i duhet fitorja me dy e më shumë gola diferencë që të shpallet kampion i Kosovës në futboll.
Kjo matematikë është për shkak se në dy ndeshjet e para ndërmjet këtyre dy klubeve, Drita ka një fitore si mysafir dhe një barazim si vendas.
Drita ka shënuar fitore si mysafire e Prishtinës me rezultat 0:1, ndërsa ndeshja e dytë në Gjilan ka përfunduar 0:0. Ndërsa ndeshjen e tretë, Prishtina llogaritet si vendas dhe për shkak të humbjes së parë si vendase, tani i duhen dy e më shumë gola që të shpallet kampion.
Ekipi i Prishtinës është vendas në këtë ndeshje kështu që tifozëve të tyre i janë ndarë një numër më i madh i biletave.
Ekipi i Dritës është shpallur kampion i Superligës së Kosovës, vetëm një herë, në sezonin 2002-2003.
Ekipi i Prishtinës, është shpallur plot gjashtë herë kampion që nga vitit 1999, duke u bërë ekipi me më së shumti tituj kampion në Kosovë. Prishtina ka qenë kampion në sezonin 2003-04 dhe dy herë fitoi dy tituj me radhë, në vitet 2007-08, 2008-09 dhe 2011-12, 2012-13.