//E premte ORA 21:20

0

5 Korrik 2012

Dënohet për krime lufte

Buletini 19

Gjatë muajit maj, Kolegji i Gjykatësve nga EULEX-i dhe gjykatës vendas, pas pleqërimit të lëndës dhe shikimit detaj të saj, shpallën fajtor, duke e dënuar me 14 vjet burgim dhe 500 euro gjobë, të pandehurin Zoran Koliqi.
Koliqi, nga Prokuroria Speciale e Kosovës, ishte i akuzuar për dy vepra penale të krimeve të luftës kundër popullatës civile, të kryera në Burgun e Lipjanit, më 24 maj 1999, dhe një vepër të mbajtjes në pronësi, në kontroll, në posedim ose në shfrytëzim të paautorizuar, të armëve.
Policia e Kosovës e kishte arrestuar Zoran Koliqin, pasi Jakup Rexhepi, viktimë e rastit, ishte interesuar të siguronte informacione në lidhje me të. Në kohën e arrestimit, ai ishte punëtor i Postës dhe Telekomit të Kosovës (PTK). Ai është duke qëndruar në paraburgim, që nga prilli i këtij viti.
Zoran Koliqi akuzohet se më datën 24 maj 1999, gjersa po transportoheshin të burgosurit shqiptarë nga burgu i Dubravës për në atë të Lipjanit, ka qëndruar tek hyrja dhe në kordonin e krijuar nga policia dhe punëtorë të Burgut të Lipjanit, ka marrë pjesë aktivisht në rrahjen dhe trajtimin çnjerëzor të Gani Morinës.
Gani Morina, ditën e 24 majit 1999, gjatë hyrjes në Burgun e Lipjanit, ishte goditur nga kordoni i krijuar nga policë e punëtorë të këtij burgu. Në këtë kordon, Koliqi kishte marrë pjesë aktivisht në rrahjen me armë, grushte e shqelma të Gani Morinës, i cili nga lëndimet e marra vdes të nesërmen.
Po me të njëjtën datë, 24 maj, Zoran Koliqi kishte marrë pjesë në rrahjen dhe trajtimin çnjerëzor të Jakup Rexhepit. Rexhepi teksa po kalonte në kordonin e krijuar në hyrje të Burgut të Lipjanit, ishte rrahur me grushte, shqelma e shkopinj gome, nga Zoran Koliqi dhe persona të tjerë, deri më tani të paidentifikuar.
Koliqi është akuzuar edhe për mbajtjen e një pistolete të tipit Zastava TT, dy karikatorëve dhe 37 plumbave, vepër të cilën Koliqi e kishte pranuar.
Për pikën një të aktakuzës, që ka të bëjë me viktimën Gani Morina, gjykata e shpalli fajtor Koliqin dhe e dënoi me burgim në kohëzgjatje prej 10 vitesh. Për pikën dy të aktakuzës, që ka të bëjë me viktimën Jakup Rexhepi, gjykata e shpalli fajtor dhe e dënoi me 6 vjet burgim. Për pikën 3 të aktakuzës, gjykata e shpalli fajtor dhe e dënoi me 500 euro. Gjykata dha një dënim unik për Zoran Koliqin, ashtu që i njëjti dënohet në kohëzgjatje prej 14 vjetësh në burg dhe 500 euro gjobë.
Palëve iu dha e drejta e ankesës në vendimin e gjykatës, ndërsa ankesë paralajmëruan të dy mbrojtësit e Koliqit.
Vendimin e saj, gjykata e arsyetoi me faktin se ka gjetur se nga shkresat dhe provat e lëndës, standardet penale janë kaluar, ashtu që ka tejkaluar dyshimin e bazuar. Vendimi i gjykatës është i bazuar në deklaratën e dëshmitarit kryesor dhe të dëmtuarit, Jakup Rexhepi, i cili në seancë të jashtëzakonshme kishte dëshmuar për veprimet e Zoran Koliqit. Po ashtu, Koliqin e kishin njohur edhe dy dëshmitarë të tjerë.

TË FUNDIT

 

E Drejta e Gruas në Pronë dhe Ndryshimi i Ligjeve

“Drejtësia në Kosovë” transmetoi emisionin e radhës i cili trajton problematikën e trashëgimisë dhe të drejtës për të regjistruar pronën, me theks të veçantë të drejtat e grave  dhe vajzave. Emisioni “Drejtësia në Kosovë” sjell edhe deklarata e akterëve kryesorë të cilat janë pjesë e plotësim-ndryshimit të ligjeve bazike që do garantonin të drejta të […]

 

Dyshimet për Kurdisjen e Ekskursioneve

Emisioni ‘Drejtësia në Kosovë’ transmetoi hulumtimin lidhur me dyshimet për një skemë të organizuar të korrupsionit në organizimin e ekskursioneve të maturantëve në Shqipëri. Ky reportazh sjell fakte të cilat tregojnë për parregullsi dhe mospërputhje të të dhënave të cilat ngjallin dyshime mjaft të mëdha për keqpërdorime në tenderimin dhe organizimin e ekskursioneve. Siç rezulton […]

 

Zona e Lirë e Kontrabandës në Veri të Kosovës

Emisioni ‘Drejtësia në Kosovë’ transmetoi një hulumtim disamujor për kontrabandën me naftë në pjesën veriore të Kosovës. Emisioni paraqet detajet për çmimet e naftës në veriun e Kosovës duke sjellë dëshmi filmike për çmimet në këtë zonë. Shitësit e karburanteve janë filmuar duke treguar ofertat për naftë e cila varion për disa herë me çmimet […]

 

Intervistë: Hasan Shala, Kryetar i Gjykatës së Apelit

Në emisionin “Drejtësia në Kosovë” të premten u transmetua intervista me kryetarin e Gjykatës së Apelit, Hasan Shala. Në intervistën dhënë për “Drejtësia në Kosovë”, Shala ka folur për ngritjen e tij në këtë pozitë dhe përmendjen e emrit të tij në aferën e përgjimeve të EULEX-it. Shala ka thënë se njeh shumë politikanë nga […]

FSK
 

Demonstrimi i Forcës

Të premten nga ora 22 e 20 “Drejtësia në Kosovë” shfaq emisionin festiv për ditën e pavarësisë së Kosovës.

Policia dhe BIK Ligjërojnë Kundër Radikalizmit

by Labinot Leposhtica
NA NDIQNI