Vazhdon mosmarrëveshja greko-maqedonase rreth emrit të Maqedonisë - Foto: Rtv21
Deputeti Grek Reagon Ashpër për Emrin e Maqedonisë
21.9.2017 - 14:26
Jovo Kumucakos ka reaguar ashpër ndaj ministrit të Punëve të Jashtme të Greqisë, Nikos Kotzias.
Deputeti i opozitës greke, Jovo Kumucakos, i cili është i angazhuar për politikën e jashtme në partinë “Demokracia e re”, ka reaguar ashpër ndaj ministrit të Punëve të Jashtme të Greqisë, Nikos Kotzias, në lidhje me bisedimet për emrin e Maqedonisë.
Kotzias para dy ditëve në New York u takua me sekretarin e përgjithshëm të Kombeve të Bashkuara, Antonio Guterres, me të cilin ka biseduar edhe për emrin e Maqedonisë.
Shefi i diplomacisë greke në takim, në të cilin ka marrë pjesë edhe ndërmjetësuesi Methew Nimetz, tha se pas zgjedhjeve ekziston hapësirë për diskutim për çështjen e emrit, nëse largohet irredentizmi./21Media