Arkiv - Gjykimi i Kolë Pukës | Foto: KALLXO.com
Dënohet ish-Gjyqtari Kolë Puka
Ish-gjyqtari Kolë Puka, i akuzuar mes tjerash për nxjerrje të kundërligjshme të vendimeve gjyqësore, pastrim parash e mashtrim është dënuar nga Gjykata Themelore në Prishtinë me burg dhe gjobë.
Gjykata Kolë Pukës ia shqiptoi sot dënimin me 4 vjet burg dhe 5 mijë euro gjobë.
Kolë Puka nuk do të ketë të drejtë ta ushtrojë për tre vjet profesionin e juristit, ndërsa do t’i konfiskohet edhe pasuria e përfituar nga veprat penale për të cilat akuzohej.
Në seancën e kaluar kur u dha fjala përfundimtare, Kolë Puka u mbrojt në heshtje, ndërsa avokati i tij Tahir Rrecaj kërkoi ekspertizë financiare për përfitimin material të fituar kundërligjshëm për të cilin akuzohej i mbrojturi i tij.
Propozimi i Rrecajt qe hedhur poshtë nga gjykata.
http://kallxo.com/kole-puka-mbrohet-ne-heshtje/
KALLXO.com e ka ndjekur edhe më herët këtë proces gjyqësor.
Kolë Puka ishte dënuar edhe më herët në procese tjera gjyqësore.
