Ambasadori i ShBA-së, Greg Delawie

Delawie: Nuk e Di a Është e Mirë a e Keqe Teknologjia

Në konferencën për sigurinë kibernetike dhe privatësinë ambasadori Delawie tha se Kosova po e lufton krimin kibernetik.

Ambasadori amerikan Greg Delawie në Konferencën e Tretë Ndërkombëtare “Siguria Kibernetike dhe Privatësia” tha se teknologjia është e pranishme në çdo gjë.

NDËRLIDHUR

“Teknologjia është e pranishme në çdo gjë. A është e mirë a e keqe nuk e di, por po krijon mundësi për eksploatim të kriminelëve”, tha Delawie.

Ambasadori tha më tutje se Kosova po e lufton krimin kibernetik.

“Kosova po ia del mirë në këtë aspekt dhe dëshiroj ta përgëzoj Kosovën për arrestimin e kriminelëve kibernetikë gjatë këtyre viteve”, tha Delawie.

Ai tha se SHBA-ja do ta ndihmojë Kosovën për sigurinë kibernetike.

“SHBA janë të përkushtuara që sigurinë kibernetike ta kenë prioritet kryesor. Ambasada amerikane ne Kosovë është e përkushtuar ta ndihmoj qeverinë e Kosovës”, tha Delawie.

24 Janar 2018 - 10:59

Amire Qamili 24/01/2018 - 10:59
NDËRVEPRIMI0
Prishtina Insight