Gjykata shtetërore boshnjake. Foto: sudnih.gov.ba.
Bosnja Dënon Dy Luftëtarë Kroatë për Përdhunime
Gjykata shtetërore në Sarajevë ka dënuar ish-policin ushtarak të Këshillit Kroat të Mbrojtjes, Mato Baotiç, me dhjetë vjet burg për përdhunimin e tri grave dhe keqtrajtimin e një të ndaluari në zonën Orasjes në vitin 1992.
Baotiç, ish-komandant i Seksionit të Dytë me Policinë Ushtarake të Këshillit Kroat të Mbrojtjes, u shpall fajtor për përdhunimin e grave dhe keqtrajtimin një të burgosuri që po mbahej në ndërtesën e shkollës në Donja Mahala në komunën e Orasjes.
Gjykata mësoi se Baotiç përdhunoi një nga viktimat e tij me pistoletë dhe e goditi të burgosurin me një zinxhir metalik qeni.
Ai u urdhërua t’u paguajë viktimave të përdhunimeve një total prej 60,000 markash boshnjake (30,670 euro) si kompensim për dhimbjen dhe vuajtjen e tyre.
Vendimi mund të apelohet.
Gjithashtu të premten, gjykata shtetërore dënoi një tjetër ish-luftëtar të Këshillit Kroat të Mbrojtjes, Marijan Brnjic, me gjashtë vjet burg për përdhunimin e një civileje në zonën e Odzakut në qershor 1992.
Brnjic, një ish-anëtar i Brigadës 102 të Këshillit Kroat të Mbrojtjes, u shpall fajtor për përdhunimin e një gruaje serbe në fshatin Posavska Mahala, pranë Odzakut.
Edhe ky vendim mund të apelohet.