Beqir Kalludra do t’i Gjykojë Përsëri Aktivistët e Vetëvendosjes

Sipas aktvendimit të Gjykatës së Apelit që ktheu në rigjykim rastin ndaj aktivistëve të Vetëvendosjes, konfirmohet se përbërja e trupit gjykues do të mbetet e njëjta.

Në seancën e mbajtur në Gjykatën e Apelit, avokatët mbrojtës të aktivistëve të VV-së kanë kërkuar edhe ndryshimit e trupit gjykues nëse lënda kthehet në rigjykim.

Ndërkaq, Apeli nuk e ka trajtuar këtë kërkesë të mbrojtjes në aktvendimin e siguruar nga KALLXO.com dhe lënda është kthyer të gjykohet nga trupi i njëjtë gjykues, raporton KALLXO.com.

Katër aktivistë të Lëvizjes Vetëvendosje po gjykohen për sulmin me mjet shpërthyes kundër ndërtesës së Kuvendit të Kosovës në gusht të vitit 2016.

http://kallxo.com/sulmohet-me-mjet-shperthyes-kuvendi-i-kosoves/

Në mesin e të dyshuarve për këtë sulm ishte edhe aktivisti Astrit Dehari, i cili u gjet i vdekur në Qendrën e Paraburgimit në Prizren.

Misteret e Vdekjes së Astrit Deharit

Aktivistët e VV-së ishin shpallur fajtorë nga Gjykata Themelore dhe ishin dënuar me burg, por Gjykata e Apelit e ktheu rastin në rigjykim.

KALLXO.com publikoi sot ekskluzivisht të gjeturat që e shtynë Apelin ta kthejë rastin në rigjykim.