'Ballkani Perëndimor Ka Mundësi që të Hyjë në BE'

Ballkani Perëndimor ka më shumë mundësi që të hyjë në Bashkimin Europian në krahasim me dhjetë vitet e kaluara, tha eurokomisarja e Transportit, Violeta Bulc, e cila mbajti fjalim në “Samitin e 100″ për liderë të biznesit në Europë që po mbahet në Shkup.

Bulc tha se BE ka strategji për zgjerim dhe ajo duhet të jetë motivi më i lartë i vendeve të Ballkanit Perëndimor.

Eurokomisarja e Transportit foli për rëndësinë e transportit dhe të infrastrukturës.

Në atë këndvështrim ajo theksoi se qëllimi i BE-së është dekarbonizimi, gjegjësisht ulja e ndotjes së ajrit me dioksid karboni.

Bulc paralajmëroi se në BE në nëntor do të miratohen nëntë ligje në lidhje me transportin dhe ndotjen.

Shteteve të rajonit ajo u porositi të krijojnë udhëtim më efikas publik sepse, siç tha, shtetet e njerëzit e pasur e shfrytëzojnë transportin publik.

Ajo porositi se shtetet e rajonit të investojnë në elektrifikë para se të hyjnë në BE, sepse kjo temë nuk njeh kufij./21Media