Bajrush Morina Intervistohet si Dëshmitar në Polici

Policia e Kosovës në orët e pasdites ka intervistuar gazetarin Bajrush Morina lidhur me pretendimet se ai di për vrasjen e Enver Malokut.

“I njëjti sipas autorizimit të prokurorisë është intervistuar nga Policia e Kosovës”, ka thënë Daut Hoxhaj zëdhënës i policisë.

Ai nuk ka dhënë detaje nëse Morina ka dhënë fakte shtesë rreth ngjarjes, apo për mënyrën se si ai është përgjigjur.

Gjatë ditës së djeshme në një postim në Facebook gazetari Morina kishte shkruar se ka informacione për dy persona të cilët mund të kenë gisht në vrasjen e gazetarit Enver Maloku.

KALLXO.com kishte kërkuar sqarime nga Prokuroria Speciale, ndërsa kryeprokurori Reshat Millaki kishte paralajmëruar se do autorizonte intervistimin.

KALLXO.com ka tentuar që pas intervistës të marrë një qëndrim nga z.Morina por ai nuk është përgjigjur në telefon.