Votimi për vancimin e Venera Berisha-Muharremit | Foto: KALLXO.com
Avancohet Motra e Prorektorit
Senati i UP-së të premten ka avancuar Venera Berisha-Muharremin nga asistente në profesoreshë- asistente.
Venera Berisha-Muharrëmi është motra e Faton Berishës, prorektorit për kërkime shkencore në Universitetin e Prishtinës dhe gruaja e gjyqtarit të Gjykatës së Apelit Driton Muharremi.
Senati ka votuar me shumicë votash për avancimin e saj në ditën e fundit të afatit kohor të konkursit të 24 nëntorit të vitit të kaluar.
Madje edhe rektori Marjan Dema mbështeti avancimin e kandidates Berisha-Muharremi.
Kundër avancimit të saj ishin dekania e Fakultetit të Mjekësisë, Suzana Manxhuka, dekani i Fakultetit të Ndërtimtarisë, Avdulla Zejnullahu dhe Enver Hamiti nga Fakulteti i Inxhinierisë Elektrike dhe Kompjuterike.
Ata kërkuan që në pozitën Mjekësi Interne të mbetet profesori i asocuar deri në shtator kur edhe do të dalë në pension.
KALLXO.com paralajmëroi dje avancimin e mundshëm të Venera Berisha-Muharremit.
http://kallxo.com/rasti-motres-se-prorektorit-diskutohet-per-te-dyte-ne-senat/