Arrestohet pasi Sulmon Bashkëshorten
18.1.2018 - 16:34
Policia ka njoftuar se gjatë ditës së djeshme në fshatin Lubizhdë të komunës së Prizrenit, një person është arrestuar pasi ka sulmuar bashkëshorten e tij.
Sipas njoftimit, i dyshuari ka ushtruar dhunë psikike dhe fizike ndaj bashkëshortes së tij, ku kësaj të fundit i ka shkaktuar dhe lëndime trupore.
Viktima ka pranuar ndihmë mjekësore në Emergjencën e Spitalit Rajonal të Prizrenit, ndërsa i dyshuari me urdhër të prokurorit është ndaluar nën masën e arrestit policor.
KALLXO.com ka raportuar vazhdimisht për dhunën në familje.