Forcat e policisë në veri | Foto: KALLXO.com
Arrestohet Pasi Kërkoi Fonde për Policinë dhe FSK-në
27.1.2017 - 15:06
Një banor i fshatit Bresje të Fushë Kosovës është arrestuar me dyshimin se ka mashtruar qytetarët duke u kërkuar donacione për policinë dhe FSK-në.
Në një njoftim të saj policia ka dhënë detaje për arrestimit duke potencuar se personi i arrestuar është ndaluar për 48 orë me urdhër të prokurorit.
Sipas policisë, në pjesën e provave të mbledhura me këtë rast janë konfiskuar një kompjuter dhe një telefon.
Së fundmi në publik imazhi i policisë dhe përkrahja tek qytetarët është rritur si rezultat i ndërhyrjes së policisë në ndaljen e trenit në veriun e vendit.
Kjo ndërhyrje ka hapur edhe debate për kushtet dhe pajisjet e policisë përfshirë nevojat për sigurime shëndetësore dhe blerjen e helikopterëve