Arrest/Ilustrim FOTO-KALLXO.com
Arrestim për Vrasjen dhe Plagosjet në Sharban
01.11.2017 - 10:31
Sipas policisë, një person është arrestuar dje nën dyshimet për vrasjen dhe plagosjet në Fshatin Sharban të Komunës së Prishtinës.
Një person ishte vrarë e dy të tjerë ishin plagosur para pese ditësh këtë fshat pas një mosmarrëveshjeje mes kushërinjve.
Policia në raportin e përditshëm njofton se përveç arrestimit të të dyshuarit për vrasjen dhe plagosjet, në shtëpinë e tij gjatë kontrollit është gjetur dhe konfiskuar një kallashnikov me 22 fishekë.
Të dyshuarit për vrasjen dhe plagosjet në Sharban i është caktuar ndalimi policor.