Foto: Atdhe Mulla
Apeli Refuzon Paraburgimin për Deputetët e Vetëvendosjes
Gjykata e Apelit ka refuzuar ankesat e Prokurorisë lidhur me vendimet e Gjykatës Themelore me anë të së cilave ishte refuzuar kërkesa e organit të ndjekjes për caktimin e paraburgimit, ndaj të pandehurve Valon Ramadani, Arbërie Nagavci si dhe Liburn Aliu dhe të njëjtit ishin lënë të mbrohen në liri.
Sipas njoftimit të Apelit, Valon Ramadani dyshohet për veprat penale: “Përdorim i armës apo mjetit të rrezikshëm”, dhe “Mbajtje në kontroll ose posedim të paautorizuar të armeve”.
Për veprën e fundit, dyshohet edhe e pandehura Arbërie Nagavci, ndërsa Liburn Aliu për “ Pengim të personit zyrtar në kryerjen e detyrës zyrtare”.
Sipas vlerësimit të Gjykatës së Apelit, ankesat e prokurorisë nuk janë të bazuara, sepse nuk janë plotësuar kushtet ligjore për caktimin e masës së paraburgimit.
Apeli vendosi sot edhe për grupin tjetqr të deputetëve të Vetëvendosjes që dyshohet se hodhën gaz lotsjellës në Kuvend.
http://kallxo.com/apeli-vendosi-per-deputetet-e-vv-se-per-gazin-lotsjelles/