Aktakuzë të Dyshuarve për Grabitje të Parave dhe Arit
24.2.2017 - 11:07
Sipas prokurorisë, katër të dyshuarit R.Th., R.S., A.M dhe D.B., të gjithë nga Prizreni, akuzohen se së bashku kanë kryer veprën penale të grabitjes.
Aktakuza i ngarkon ata se më 06.10.2016, në orët e vona të natës në rrugën “Hoxhë Tahsini” në Prizren, duke vepruar si grup i armatosur duke përdorur forcën kanë përvetësuar pasurinë e paluajtshme të viktimës D.H., të cilin e kanë detyruar nën kërcënim si dhe duke përdorur dhunën fizike ndaj bashkëshortes së tij që të hap kasafortën dhe nga e njëjta kanë marrë para në vlerë prej tetëmbëdhjetëmijë (18.000) euro, si dhe një sasi të konsiderueshme të stolive të arit në vlerë prej dyzetmijë (40.000) euro duke u larguar nga shtëpia, thuhet në komunikatën e Prokurorisë së Shtetit.